போன வழியும் தெரியல
வந்தவழியும் புரியல;
கண்மூடி திறக்கும் முன்
எல்லாமே நடந்துருச்சு...
அவ கிட்ட கூட சொல்லல,
கை பிடிச்ச நாளாய்!!
என் நிழலாய், என் தோழியாய், என் உயிராய்
என் கூடவே தான் அவ இருப்பா;
பாவி அவ தனியா என்னத்த செய்வாளோ
புரியலையே!
நான் சிரிச்சா அவ சிரிப்பா,
நான் அழுதா அவ தொடப்பா,
இன்பமோ துன்பமோ ஒன்னாதான் இருந்துருகோம்
சோறு தண்ணி கூட இறங்காது அவளுக்கு
நான் சாப்புடாம;
வெளிய நான் போனாலும் மனசெல்லாம்
வழியில வெச்சு காத்து கெடப்பா;
நித்தம் ஒரு சண்டையின்னு போட்டு கிட்டா கூட
ஒருத்தருகொருத்தர் பேசாம இருந்தது இல்ல;
பிள்ளைங்க ரெண்டு பொறந்தும் கூட
எங்க காதல் கொறையவே இல்ல;
மருமகளுங்க வந்தும் கூட
அவ கையாள சாப்டா தான் வயிறு நிறையும்
கெழவி ஆகியும் கூட அவ இன்னும்
எத்தனை அழகாதான் இருக்குறா;
என்ன உசுரா நேசிச்ச அந்த சிருக்கிய
விட்டுட்டு வந்துட்டேனே; !
No comments:
Post a Comment